Vüqar Həşimovun xatirəsinə həsr olunan "ShamkirChess 2018" superturnirinin iştirakçıları Şəmkirdə yerləşən Zəka Gənclər Mərkəzində yeniyetmələr və şahmat həvəskarları üçün seans keçirib.
Superturnirin mətbuat xidmətindən Sportnet.az-a verilən məlumata görə, yeniyetmə şahmatçılarla görüşdə Şəhriyar Məmmədyarovla Rauf Məmmədov, eləcə də dünya çempionu Maqnus Karlsen, Rusiya təmsilçisi Sergey Karyakin, Çexiya qrossmeysteri David Navara iştirak edib.
