Topaz Premyer Liqasında XXIII turun "Kəpəz" - "Qarabağ" matçında insident baş verib.
Sportnet.az-ın məlumatına görə, bunu 79-cu dəqiqədə meydan sahiblərinin hücumçusu İlkin Sadıqovun qonaq komandanın yarımmüdafiəçisi Pedro Enrikeyə kobudluğu səbəb olub. Sadıqovun Enrikeni yıxdıqdan sonra üstündən keçməsi milliləşdirilmiş braziliyalı Riçard Almeydanın kəskin reaksiyasına səbəb olub. Nəticədə tərəflər arasında mübahisə düşüb.
Baş hakim Orxan Məmmədov Sadıqovla Almeydaya sarı vərəqə göstərib.
Qeyd edək ki, hazırda "Qarabağ" öndədir - 1:0.
