"Bakı 2015" I Avropa Oyunlarında daha bir medal dəsti öz sahibini tapıb. Sportnet.az-ın məlumatına görə, qadınlar arasında keçirilən triatlon yarışında İsveçrə idmançısı qızıl medal qazanıb.
Nicola Spirig bütün rəqiblərini qabaqlayaraq müəyyən edilmiş məsafəni 2 saat 28 saniyəyı başa vurub. İkinci yeri 2 saat 1 dəqiqə 44 saniyə ilə Hollandiya idmançısı Rachel Klamer tutub. İlk üçlüyü isə 2 saat 1 dəqiqə 46 saniyə ilə isveçli Lisa Norden qapayıb.
8 idmançı isə yarışdan kənarda qalıb. Mübarizəni axıradək başa vura bilməyən idmançılar arasında Türkiyə təmsilçisi İpek Öztosun da olub.
Qeyd edək ki, Dağ velosipedi idmanı üzrə də qızıl medalın sahibi müəyyənləşib. İsveçrə yığma komandasının üzvü Jolanda Neff fəxri kürsünün ən yüksək pilləsinə layiq görülüb.
