Yeniyetmələrin 2014-cü il Nanjinq Yay Olimpiya Oyunlarına lisenziya xarakterli Avropa təsnifat turnirinin iştirakçıları yeni inşa olunmuş və gələn ilin yayında ilk Avropa Oyunlarında istifadə olunacaq Atletlər Kəndində qalırlar. Sportnet.az-ın məlumatına görə, yarış Tofiq Bəhramov adına Respublika stadionunda keçirilir.
Bu arenada isə Avropa Oyunları zamanı kamandan oxatma yarışları olacaq. Gənclər və İdman naziri, Bakı Avropa Oyunları Əməliyyat Komitəsinin (BEGOC) baş icraçı direktoru Azad Rəhimov yeniyetmə atletləri salamlayaraq, bildirib ki, bu gün start götürən turnir gələn ilin Avropa Oyunlarından öncə göstiləcək bir sıra xidmətləri sınaqdan keçirmək üçün gözəl imkan yaradan möhtəşəm tədbirdir.
Bu arenada isə Avropa Oyunları zamanı kamandan oxatma yarışları olacaq. Gənclər və İdman naziri, Bakı Avropa Oyunları Əməliyyat Komitəsinin (BEGOC) baş icraçı direktoru Azad Rəhimov yeniyetmə atletləri salamlayaraq, bildirib ki, bu gün start götürən turnir gələn ilin Avropa Oyunlarından öncə göstiləcək bir sıra xidmətləri sınaqdan keçirmək üçün gözəl imkan yaradan möhtəşəm tədbirdir.
BEGOC-un əməliyyatlar üzrə baş direktoru Saymon Kleq isə deyib: "Avropa Oyunlarında yarışlara ev sahibliyi edəcək hər bir obyekt gələn ilin yay aylarına kimi ətraflı şəkildə sınaqdan keçiriləcək. Biz bütün Avropanın iştirak etməyə can atacağı bir yarışın həyata keçirilməsi üçün hazırlıq işlərimizi davam etdiririk. Yarış iştirakçılarının Atletlər Kəndində qalmasına imkan yaradılması da bizim üçün əhəmiyyətli məsələdir".
Qeyd edək ki, Avropa təsnifat turniri 3 gün davam edəcək.
