Əfsanəvi braziliyalı futbolçu Pelenin oğlu Edson Nasimentu (Edinyo) həbs olunub. Sportnet.az-ım məlumatına görə, Edinyo narkomafiyanın pullarının yuyulması işi ilə bağlı saxlanılıb.
Yayda onun 33 ilədək azadlıqdan məhrum edildiyi bildirilirdi. Lakin həmin vaxt Pelenin oğlu apellyasiya verərək, işə baxıldığı müddətdə azadlıqda qalmışdı. Ötən gün isə məhkəmə həmin qərarı ləğv edərək, Edinyonu həbs edib. Vəkilləri onun dərhal azad olunmasını tələb edəcəklərini açıqlayıblar. Pele isə oğlunun həbsi ilə bağlı heç bir şərh verməyəcəyini özünün mətbuat xidməti vasitəsilə çatdırıb.
Qeyd edək ki, Edinyo ilk dəfə 2005-ci ildə saxlanılıb. O, narkotik maddələrin qeyri-qanuni dövriyyəsi ilə əlaqədar cəza çəkib. Məhkum çoxdan narkotik maddə qəbul etdiyini, amma onun ticarəti ilə məşğul olmadığını bildirib. Ötən həftə Pele böyrəyindəki daşların götürülməsi üçün uğurlu əməliyyat olunub.
