Bu gün Ermənistan Boks Federasiyası İcraiyyə Komitəsinin iclası keçirilib. Sportnet.az-ın "news.am"a istinadən verdiyi məlumata görə, toplantıda "Bakı 2015" I Avropa Oyunlarında iştiraka dair qərar qəbul olunub.
Lakin yığmanın baş məşqçisi David Torosyan Oyunlara qatılmağın əleyhinə çıxıb. O, komandanı Bakıyadək müşayiətdən imtina edib. Əvəzində komanda ilə birgə ölkəmizə Ermənistanın gənclər yığmasının baş məşqçisi Karen Aqamalyan gələcək. İdmançılar da tam tərkibdə gəlməyəcəklər. Federasiya rəhbərliyi boksçulara "Kim istəsə, gedib iştirak edə bilər" deyib.
Qeyd edək ki, Ermənistan Milli Olimpiya Komitəsi I Avropa Oyunlarında iştirak barədə qərar çıxarıb. Lakin Bakıya gəlişi planlaşdırılan 6 növ üzrə yığmaların əksəriyyəti bundan imtina edib.
