Finlandiyanın Tampere şəhərində güləş üzrə gənclər arasında dünya çempionatına start verilib. Sportnet.az-ın məlumatına görə, ilk yarış günündə 50 kq, 60 kq, 74 kq və 96 kq çəki dərəcələrində sərbəst güləşçilər yarışıb.
Azərbaycan millisi günü 1 qızıl medalla tamamlayıb. 50 kq çəki dərcəsində mübarizə aparan Şahin Muxtarov bütün rəqiblərini məğlub edərək qızıl medal və dünya çempionu titulunu qazanıb. O, finala qədər ardıcıl olaraq Kanada, Qırğızıstan və Rusiya idmançılarını üstələyib. Həlledici görüşdə Ermənistan təmsilçisi ilə qarşılaşan Muxtarov yüksək əzmkarlıq nümayiş etdirərək fəxri kürsünün ən yüksək pilləsində qərarlaşıb.
Dünya çempionatı
Sərbəst güləş
50 kq
FİNAL. Şahin Muxtarov - Karen Zurabyan (Ermənistan) - 7:5
1/2 final. Şahin Muxtarov - Aslan Minkailov (Rusiya) - 3:2
1/4 final. Akbar Kenjebek Ulu (Qırğızıstan) - Şahin Muxtarov - 0:10
1/8 final. Axtar Kieran İmran (Kanada) - Şahin Muxtarov - 0:12
60 kq
1/8 final. Əli Rəhimzadə - Ravinder Ravinder (Hindistan) - 4:5
1/16 final. Əli Rəhimzadə - Ahmed Hassan Ahmed Mohamed (Misir) - 4:1
74 kq
1/16 final. Radik Valiev (Rusiya) - İsmayıl Abdullayev - 7:1
96 kq
1/16 final. Nishan Preet Randhava (Kanada) - Alimaqomed Alixmayev (güləşçimiz xəstələndiyi üçün görüşə çıxmayıb)
