Belaruslu tennisçi Viktoriya Azarenko 2500 dollar cərimə ödəyəcək. Sportnet.az-ın məlumatına görə, buna səbəb idmançının oyun vaxtı azarkeşləri təhqir etməsidir.
O, rusiyalı Darye Kasatnkinoyla görüşdə tribunada əyləşən azarkeşlərə qarşı qeyri-etik jest edib.
V.Azarenko məsələ ilə bağlı bunları bildirib: "Başa düşə bilmirəm, bu azarkeşlər dəstəkləmək əvəzinə mane olurlar. Bir dəfə də eşitmədim ki, belaruslu azarkeşləri rusiyalı idmançıya mane olsunlar. Başa düşürəm ki, bu düzgün hərəkət deyil. Ancaq insanam və mənim də emosiyalarım var".
Qeyd edək ki, tennis üzrə ölkə kubokunun yarışında Azarenko 2:1 hesabı ilə qələbə qazanıb.
