Latviyanın paytaxtı Riqada keçirilən Avropa çempionatında bu gün yunan-Roma güləşçiləri mübarizəyə qoşulur. Sportnet.az-ın məlumatına görə, "klassiklər" 59 kq, 66 kq, 98 kq və 130 kq çəki dərəcələrində yarışıblar.
66 kq çəkidə mübarizə aparan Kamran Məmmədov ilk görüşündə Danimarkadan Calr Anders Poul Ekstroem üzərində qələbə qazansa da, Serbiya təmsilçisi Davor Stefaneklə gərgin keçən görüşdə məğlub olub. Rəqibin finala yüksəlməsi güləşçimizə təsəlliverici görüşə qatılmaq şansı verib. Bu görüşdə Macarıstandan Kriştian Jageri mübarizədən kənarlaşdıran K.Məmmədov bürünc medal uğrunda görüşə haqq qazanıb. Həlledici görüşdə onun rəqibi Litvadan Edgaras Venckaitis olacaq.
98 kq çəkidə yarışlara qatılan gənc güləşçimiz Orxan Nuriyev ilk görüşdə ev sahibi komandanın üzvü Aleksandr Safonov üzərində inamlı qələbə qazanıb. Ardınca Almaniyadan Peter Oehleri də məğlub edən güləşçimiz yarımfinala vəsiqə qazanıb. Rusiya təsmilçisi təcrübəli Nikita Melnikovla gərgin keçən görüşü uduzan Nuriyev bürünc medal uğrunda həlledici qarşılaşmaya çıxacaq. Bu dəfə rəqib Belarus idmançısı Aleksandr Hrabovik olacaq.
Final görüşləri saat 21:00-da başlayacaq.
59 kq
1/16 final. Taleh Məmmədov - Virgil Munteanu (ROU) - 6:2
1/8 final. Taleh Məmmədov - Soslan Daurov (BLR) - 5:0 (tuşe)
1/4 final - Dmitro Tsimbalyuk (UKR) - Taleh Məmmədov - 2*:2
66 kq
1/8 final. Kamran Məmmədov - Carl Anders Poul Ekstroem (DEN) - 8:0
1/4 final. Kamran Məmmədov - Davor Stefanek (SRB) - 0:9
Təsəlliverici görüş. Kriştian Jager (HUN) - Kamran Məmmədov - 1:3
Bürünc medal görüşü. Kamran Məmmədov - Edgaras Venckaitis (LTU)
98 kq
1/8 final. Aleksandrs Safonovs (LAT) - Orxan Nuriyev - 0:7
1/4 final. Peter Oehler (GER) - Orxan Nuriyev - 2:3
1/2 final. Orxan Nuriyev - Nikita Melnikov (RUS) - 1:4
Bürünc medal görüşü. Aleksandr Hrabovik (BLR) - Orxan Nuriyev
130 kq
1/16 final. Aleksandr Çernetskiy (UKR) - Sabah Şəriəti - 4:0
Təsəlliverici görüş. Sabah Şəriəti - Lukasz Banak (POL) - 9:0
Təsəlliverici görüş. Sabah Şəriəti - Eduard Popp (GER) - 1:3
130 kq
1/16 final. Aleksandr Çernetski (UKR) - Sabah Şəriəti 4:0
Təsəlliverici görüş. Sabah Şəriəti - Lukasz Banak (POL)
Qeyd edək ki, Avropa çempionatında sərbəst və qadın güləşi üzrə yarışlar başa çatıb. Azərbaycan yığmasının üzvləri 2 qızıl (Mariya Stadnik, Nataliya Sinişin), 2 gümüş (Cəbrayıl Həsənov və Aleksandr Qostiyev) və 2 bürünc (Yuliya Ratkeviç və Hacı Əliyev) medala yiyələnib.
