Latviyanın paytaxtı Riqada sərbəst, yunan-Roma və qadın güləşi üzrə Avropa çempionatına yekun vurulub. Sportnet.az-ın məlumatına görə, Azərbaycan millisi yarışı 2 qızıl, 2 gümüş, 4 bürünc medalla başa vurub.
Son yarış günündə yunan-Roma güləşi üzrə 71 kq, 75 kq, 80 kq və 85 kq çəki dərəcələrində yer alan pəhləvanlar mübarizə aparıblar. Yığmanın yalnız bir üzvü - Həsən Əliyev (71 kq) bürünc medalla kifayətlənib. Elvin Mürsəliyev isə 3-cü yer uğrunda qarşılaşmada erməniyə uduzub.
71 kq
1/16 final. Kristap Kalnakarklis (Latviya) - Həsən Əliyev 0:8
1/8 final. Yan Jijka (Çexiya) - Həsən Əliyev - 0:8
1/4 final. Aleksandar Maksimovic (Serbiya) - Həsən Əliyev - 3:1
Təsəlliverici görüş. Knut Zakarias Tallrot (İsveç) - Həsən Əliyev 1:8 (tuşe)
Bürünc medal görüşü. Həsən Əliyev - Yunus Özel (Türkiyə) - 8:1
75 kq
1/16 final. Elvin Mürsəliyev - Yevgeni Koltsov (Latviya) - 8:0
1/8 final. Elvin Mürsəliyev - Çingiz Labazanov (Rusiya) - 5:2
1/4 final. Aleksandr Demyanoviç (Belarus) - Elvin Mürsəliyev - 6:9
1/2 final. Zurabi Datunaşvili (Gürcüstan) - Elvin Mürsəliyev - 3:1
Bürünc medal görüşü. Karpet Çalyan (Ermənistan) - Elvin Mürsəliyev - 4:1
80 kq
1/16 final. Rafael Samurqaşev (Monteneqro) - Rafiq Hüseynov - 0:4 (tuşe)
1/8 final. Pavel Paminçuk (Belarus) - Rafiq Hüseynov - 4:5
1/4 final. Daniel Aleksandrov (Bolqarıstan) - Rafiq Hüseynov - 8:4
85 kq
1/16 final. Taduş Mixalik (Polşa) - İslam Abbasov - 7:1.
Qeyd edək ki, Avropa çempionatında Azərbaycan yığmasının üzvlərindən Mariya Stadnik (48 kq) və Nataliya Sinişin (58 kq) qızıl, Cəbrayıl Həsənov (74 kq) və Aleksandr Qostiyev (86 kq) gümüş, Yuliya Ratkeviç (60 kq), Hacı Əliyev (61 kq), Kamran Məmmədov (66 kq) və Həsən Əliyev (71 kq) bürünc medal qazanıb.
