Yekaterinburqda yunan-roma güləşi üzrə 9-cu Ümumrusiya turniri keçirilib. Sportnet.az-ın məlumatına görə, dünya çempionu, Afina olimpiadasının gümüş mükafatçısı Heydər Məmmədəliyevin xatirəsinə həsr olunmuş turnirdə 200-dən çox idmançı iştirak edib.
Yarışlın açılış günü Sverdlovsk vilayətinin idman və mədəniyyət siyasəti naziri Leonid Rapoport, Ümümrusiya Azərbaycanlıları Konqresinin yerli şöbəsinin sədri Şahin Şıxlinski, Azərbaycanın Yekaterinburqdakı konsulu əvəzi İlqar İsgəndərov, yerli Dumanını üzvləri, ictimai fəallar çıxış edərək idmançılara uğurlar arzulayıblar.
Şahin Şıxlinski çıxışında Heydər Məmmədəliyevi vilayətin fəxri adlandıraraq, gələn il keçiriləcək yubiley turnirinə bir sıra ölkələrdən də idmançılar dəvət edəcəklərini bildirib.
İki gün davam edən turnirdə qaliblər qiymətli hədiyyələr mükafatlandırılıblar.
