Azərbaycanın sərbəst güləşçisi İslam İlyasov İspaniyanın Pontevedra şəhərində keçirilən U-23 dünya çempionatında yarımfinal görüşünə çıxıb.
Sportnet.az-ın məlumatına görə, 97 kq çəki dərəcəsində çıxış edən idmançı ABŞ təmsilçisi Tanner Rayan Sloan ilə qarşılaşıb.
Rəqibinə 2:10 hesabı ilə məğlub olan İlyasov finala çıxa bilməyib. O, bürünc medal uğrunda mübarizə aparacaq.
Qeyd edək ki, daha əvvəl yunan-Roma güləşçilərindən Nihad Quluzadə (55 kq) və Nihat Məmmədli (60 kq) gümüş, Qurban Qurbanov (72 kq) isə qızıl medal qazanıb.
------------------------------------------
Azərbaycanın sərbəst güləşçisi İslam İlyasov İspaniyanın Pontevedra şəhərində keçirilən U-23 dünya çempionatında yarımfinala yüksəlib.
Sportnet.az-ın məlumatına görə, 97 kq çəki dərəcəsində çıxış edən idmançı 1/4 final mərhələsində Yunus Qafurova (Ukrayna) qalib gəlib.
70 kq-da yarışan Kənan Heybətov eyni raundda Giorgi Elbakidzeyə (Gürcüstan) uduzub.
57 kq-dakı Tofiq Əliyev 1/8 finalda Ahmet Dumana (Türkiyə), 79 kq-dakı Əşrəf Aşırov təsnifatda Kosuke Yamakuraya (Yaponiya) yenilib.
Bu gün həmçinin 65 kq çəki dərəcəsindəki qadın güləşçi Nigar Mirzəzadə finalda Miva Morikava (Yaponiya) ilə qarşılaşacaq.
Qeyd edək ki, daha əvvəl yunan-Roma güləşçilərindən Nihad Quluzadə (55 kq) və Nihat Məmmədli (60 kq) gümüş, Qurban Qurbanov (72 kq) isə qızıl medal qazanıb.
