AFFA U-10 Liqasında çıxış edən "Lokomotiv" (Ucar) və "Kürdəmir" komandalarını çempionatdan kənarlaşdırıb.
Sportnet.az xəbər verir ki, bu barədə İntizam Komitəsinin iclasında qərar qəbul olunub.
AFFA U-10 Liqasında keçirilməli olan "Lokomotiv" (Ucar) - "Şamaxı" oyunu meydan sahiblərinin təyin edilən vaxtda meydanda olmaması səbəbindən baş tutmayıb. Nəticədə "Lokomotiv" çempionatda 3-cü dəfə oyuna gəlmədiyinə görə yarışlardan kənarlaşdırılıb.
"Kürdəmir" isə "Çinar" (Göyçay) komandası ilə oyuna təyin edilən vaxtda çıxmayıb. Nəticədə görüş baş tutmayıb və "Kürdəmir" 0:3 hesablı texniki məğlubiyyət verilib. Bu komanda 3-cü dəfədir ki, oyuna gəlmədiyinə görə yarışlardan kənarlaşdırılıb.
