2015-2016 mövsümünün hazırlıqlarını doğma məkanda davam etdirən "Qəbələ" klubu bu gün növbəti yoxlama oyununu keçirəcək. Sportnet.az-ın məlumatına görə, rəqib yenə Bakı "İnter”i olacaq.
Bu, komandalar arasında ardıcıl 2-ci yoxlama matçı olacaq. İyunun 24-də baş tutmuş görüşdə "Qəbələ” Aleksey Antonovun qolu ilə qalib gəlmişdi – 1:0. Matç Qəbələ şəhər stadionunda saat 20:00-da start götürəcək.
Qeyd edək ki, 4-cü yoxlama oyununu keçirəcək "qırmızı-qaralar” Türkiyədəki təlim-məşq toplanışı çərçivəsində Ərzurumun U-21 komandasını 2:1, "Aşkalespor”u 10:0 hesabı ilə yenib.
