"Turan Tovuz"un baş məşqçisi Kurban Berdıyev səfərdə "Neftçi"yə 1:0 hesabı ilə qalib gəldikləri Azərbaycan Premyer Liqasının III tur matçından sonra mətbuat konfransı keçirib. Sportnet.az-ın məlumatına görə, türkmənistanlı mütəxəssis əvvəlcə oyunu dəyərləndirib:
- Ağır qələbəyə görə çox sevinirəm. Rəqib bu mövsüm çox yaxşı komandaya çevrilib, heyətini yaxşıca gücləndirib. Buna görə də qələbəmizin çəkisi böyükdür.
- Qələbə öz yerində, bəs göstərdiyiniz oyundan nə dərəcədə razı qaldını?
- Heyətlər bərabər olduqda yelləncək kimi oyun gedirdi. Biz yaxşı başlamışdıq, sonra "Neftçi" təşəbbüsü ələ aldı. İkinci hissəyə biz uğurlu başladıq. Sonra "Neftçi"də meydandan qovulma oldu. Bundan sonra nəyin bahasına olur-olsun, hesabı qoruyub saxlamaq istəyi bizi həddindən artıq tələsməyimizə gətirib çıxardı. Tələsməməli idik.
- İbrahima Vacinin çıxışınından nə dərəcədə razı qaldınız?
- Vaci getdikcə artırır. Təlim-məşq toplanışlarını buraxmışdı. Onun potensialı çox yüksəkdir. Ümidvarıq ki, daha yaxşı oynayacaq. Oyuna pis qoşulmamışdı. Hərçənd, bəzi epizodlarda daha iti ola bilərdi.
- Çempionluğa oynamaqdan ötrü daha neçə futbolçuya ehtiyacınız var?
- Mövsüm hələ yeni başlayıb. İstədiyi kimi oynayan komanda hələ yoxdur. Bütün çempionatlarda ilk oyunlar belə olur. Sonradan müəyyən aydınlıqlar gələcək. Güclənmək üçün oyunçular axtarırıq. Mövqeləri deməyəcəyəm.
- Komandanın vuran ayaq problemi var. Üç qolunuzdan ikisini Roberto Olabe vurub. Sanki o olmasa, qol vuranınız olmayacaq...
- Düzgün iraddır. Bunun üzərində işləyirik. Başqa variantımız yoxdur.
