"Neftçi"nin baş məşqçisi Samir Abasov evdə "Turan Tovuz"a 0:1 hesabı ilə uduzduqları Azərbaycan Premyer Liqasının III tur matçından sonra mətbuat konfransı keçirib. 47 yaşlı mütəxəssis əvvəlcə oyunu dəyərləndirib:
- Qol vəziyyətləri yaratdıq. Təəssüf ki, bəxtimiz gətirmir. Əvvəlki oyunlarda da belə olmuşdu. Ötən tura baxanda bu gün komandamız daha ritmli idi. Təəssüf ki, planlarımız qolla pozuldu. Sonradan təzyiqimizi davam etdirdik. İkinci hissədə isə qırmızı vərəqə ilə planlar pozuldu. Lakin müdafiəçilərimiz soyuqqanlı və məharətlə işlərinin öhdəsindən gəldilər. Qapımızda təhlükəli vəziyyət görmədən, məğlub olduq. Buna əgər məğlubiyyət demək olarsa. Yaxşı işlər görməyə qadirik.
- Erkən qol planlarınızı nə dərəcədə pozdu? Qapıçıya və ya qapıçılarla iş üzrə məşqçiyə cəzalar gözlənilirmi?
- Qoladək rəqibə heç bir qol imkanı vermirdik. Qapıçının səhvi reallıqdır, səhvi var. Amma buna görə onu silmək fikrində deyilik. Biz Kənanın yayındayıq. Bu gün hansısa oyunçunu cəzalandırmaq mövzu deyil.
- Piriç Türkiyə Super Liqasında da qollar buraxıb. Yenə ona görə xallardan məhrum ola biləcəyini düşünmürsünüz?
- Bunu düşünmürük. Hansısa futbolçu səhvindən uduzmaq komanda işi deyil. Oyunçumuzu qorumalıyıq. Super Liqada oyunçu gətirmək asan deyil. "Antalyaspor"u ola bilsin, daha yaxşı analiz etmisiniz. Mən ayrı-ayrı oyunçular barədə danışmaq istəmirəm.
- Bu nəticələrlə nəyə ümid edirsiniz?
- Bugünkü oyun bizim üçün bir siqnal, ümiddir. Hamı qazanmadığımız xalın üzərindən danışacaq. Hansı oyunun üzərində durmaq, yaxşılaşdırmaq olar? Bu komanda həddindən artıq yaxşı işlər görəcək, bunun üçün futbolçularımız da var. Komandama sonsuza qədər inanıram.
- Sizcə, Əliyar Ağayev nə dərəcədə işinin öhdəsindən gəldi?
- Bugünkü oyunda idarəçilikdən çox narazı qaldım. Penalti epizoduna baxa bilmədim. Məncə, bir tərəfə daha çox simpatiya var idi. Heç xoşuma gəlmədi. Həddindən artıq əsəblərimizlə oynadılar. Qırmızı vərəqə epizodunda İqor Ribeyronu təxribata çəkdilər. Amma belə qarşılıq düzgün deyildi. Bunu görüb qırmızı vərəqə veribsə, Ağayevə inanıram. Mən digər məsələləri deyirəm. Bu gün özümüzü ev komandası kimi hiss etmədik. Bu, həddindən artıq dəhşətli bir şeydir.
- "Neftçi" xallar itirməyə davam edir. Qorxmursunuz ki, bu, sizin istefanıza səbəb ola bilərmi?
- Ola bilər, futboldur.
- Oyunlarınızın belə alınması taktiki səhvlər və futbolçuların səviyyəsi ilə bağlı ola bilər?
- Baş məşqçi taktikası fikriniz şəxsidir, hörmətlə yanaşıram, amma cavab vermirəm. Futbolçularımın səviyyəsi haqqında ümumiyyətlə cavab vermərəm və imkan vermərəm ki, danışsınlar. Onların səviyyəsi həddindən artıq yaxşıdır. Düşünürəm ki, eyni ssenari davam edir. Bu gün də biz elə qapalı komandaya qarşı oynayırdıq.
- "Neftçi"nin "asmalar"ı niyə az olur?
- Sako bu gün həddindən artıq yaxşı oyun keçirdi. Onun öz oyun üslubu var. Ümumiyyətlə, rəqibin 1,50 m-lik müdafiəçiləri də olsaydı, oyunumuz tam başqadır. Bu, sırf oyun üslubundan asılıdır.
- "Qarabağ"ı təbrik etməməyiniz narazılıqlarla qarşılanıb...
- Təbrik etsəm, "Qarabağ"ın rəqibi kimi digər azarkeşlər məni qınaya bilərlər. Məgər Premyer Liqadakı bütün baş məşqçilər təbrik edib? Mən təbrik edən məşqçilər qrupunda yoxam, xəbərim yoxdur. Təbrik edirəm "Qarabağ"ı.
