"Kəpəz" daha bir futbolçunun keçidini həll edib.
Klubun mətbuat xidmətindən Sportnet.az-a verilən məlumata görə, Dieqo Verdaska yenidən Gəncə təmsilçisində çıxış edəcək.
28 yaşlı müdafiəçi ilə 1 illik müqavilə imzalanıb.
Onun meneceri Vaqif Heydərli bu keçidlə bağlı yazıb: "Əsl futbol istənilən açıqlamadan uca danışır. Transferin mübarək"!
Qeyd edək ki, Dieqo Verdaska ötən mövsüm də "Kəpəz"in şərəfini qoruyub. Portuqaliyalı legioner ümumilikdə 30 oyunda meydana çıxıb. Kluba yeni rəhbərliyin, o cümlədən, menecer Erkin İbrahimovun gəlişindən sonra Vaqif Heydərlinin gətirdiyi oyunçuların əksəriyyəti ilə yollar ayrılıb. Sosial şəbəkələrdə bunu iki menecerin münasibətlərinin qaydasında olmaması ilə izah ediblər.
