"Ağır oyun alındı. Rəqibin təzyiqini düşündüyümüzdən də artıq hiss etdik".
Sportnet.az xəbər verir ki, bunu "Araz-Naxçıvan"ın baş məşqçisi Elmar Baxşıyev səfərdə "Qəbələ"yə 1:2 hesabı ilə uduzduqları Azərbaycan Premyer Liqasının XIII tur matçından sonra mətbuat konfransında deyib.
45 yaşlı mütəxəssis görüşü iki fərqli hissəyə ayırıb: "Birinci hissədə oyuna daha çox nəzarət edən komanda biz idik. İkinci hissədə isə nəzarəti itirdik. Ağır məğlubiyyətdir. Komanda olaraq, toparlanmalı, silkələnməliyik ki, qarşıdakı oyunlarda daha da yaxşı olaq".
Baxşıyev sabiq komandası "Qəbələ" ilə heç bir prinsipinin olmadığını da diqqətə çatdırıb: "Sadəcə, komandamın oyundan qopması məni bir qədər kədərləndirir. Düşünürəm ki, "Qəbələ" bu gün qələbəyə layiq idi. Biz isə qələbə üçün hər şeyi etmədik".
