Bu gün Azərbaycan Premyer Liqasının XXXII turuna yekun vurulacaq.
Sportnet.az xəbər verir ki, son oyun günündə 2 qarşılaşma baş tutacaq.
Çempion "Sabah" "Bank Respublika Arena"da "Neftçi"ni qonaq edəcək.
Saat 18:00-da start veriləcək görüşü Kamad Umudlu idarə edəcək.
Qarşılaşmadan sonra keçiriləcək meydan sahiblərinin mükafatlandırma mərasimində 2025/26 mövsümü üzrə Azərbaycan Premyer Liqasının çempionu kubok ilə təltif olunacaq.
75 xalı olan Masazır təmsilçisi çempionatın lideridir. "Bayquşlar" artıq çempionuğunu rəsmiləşdirib. "Ağ-qaralar" isə 31 oyundan sonra 53 xalla 4-cü pillədədir. Onlar bu gün qələbə qazanacaqları təqdirdə, UEFA Konfrans Liqasına vəsiqəni təmin edəcəklər.
Komandalar indiyədək 29 dəfə qarşılaşıb. Görüşlərdən 13-ü "ağ-qaralar"ın, 9-u isə Masazır təmsilçisinin xeyrinə başa çatıb. 7 oyunda isə heç-heçə qeydə alınıb. “Sabah” son 10 matçda uduzmayıb. “Neftçi” son 3 qarşılaşmada qol vurmayıb. Top fərqində qonaqlar üstündür - 34:24.
Digər görüş isə Zirə OİK stadionunda baş tutacaq.
"Zirə evdə "Sumqayıt"ı sınağa çəkəcək.
Saat 18:00-da start veriləcək oyunu Cavid Cəlilov idarə edəcək.
31 matçdan sonra 50 xalı olan "Zirə" 5-ci pillədədir. Qəsəbə təmsilçisi UEFA Konfrans Liqasına vəsiqə qazanmaq üçün növbəti 2 oyunda qələbə qazanmalı, "Neftçi" isə növbəti 2 qarşılaşmasında da xal itirməlidir. 41 xalı olan "Sumqayıt" üçün isə heç bir avrokubok ümidi qalmayıb.
Tərəflər indiyədək 41 dəfə qarşılaşıb. Qəsəbə klubunun 24 qələbəsi, "Gənclik şəhəri" təmsilçisinin isə cəmi 6 qələbəsi var. 11 dəfə heç-heçə qeydə alınıb. “Zirə” son 6 oyunda qalib gəlib. “Sumqayıt” son 21 matçda qələbə qazanmayıb. Top fərqində Bakı klubu üstündür - 60:26.
Azərbaycan Premyer Liqası
XXXII tur
17 may (bazar)
18:00. “Sabah” – “Neftçi”
Hakimlər: Kamal Umudlu, Namik Hüseynov, Vüsal Məmmədov, Elvin Bayramov
VAR: Fərid Hacıyev
AVAR: Akif Əmirəli
Hakim-inspektor: Asim Xudiyev
AFFA nümayəndəsi: Erkin Hüseynov
“Bank Respublika Arena”
18:00. “Zirə” – “Sumqayıt”
Hakimlər: Cavid Cəlilov, Kamran Bayramov, Müslüm Əliyev, Kamran Əliyev
VAR: İnqilab Məmmədov
AVAR: Zöhrab Abbasov
Hakim-inspektor: Zöhrab Qədiyev
AFFA nümayəndəsi: Rüfət Əmirov
Zirə İdman Kompleksinin stadionu
