Bu gün Azərbaycan Kubokunun 1/4 final mərhələsinin ilk oyunları keçirilib. Sportnet.az-ın məlumatına görə, ilk olaraq "Xəzər Lənkəran" doğma azarkeşlər önündə əzəli rəqibi "Neftçi"ni qəbul edib.
Görüş meydan sahiblərinin 3:2 hesablı qələbəsi ilə yekunlaşıb.
Günün ikinci oyununda "Qarabağ" və "Sumqayıt" komandaları qarşılaşıb. Qurban Qurbanovun rəhbərlik etdiyi komanda Riçard Almeyda və Mahir Mədətovun qolları ilə qələbə qazanıb. Növbəti oyunda "Zirə" "Qəbələ"ni qəbul edib. Görüş oyunda ilk hesabı açan tərəfin - "qırmızı qaralar"ın qələbəsi ilə yekunlaşıb - 2:1.
Günün son oyununda "Rəvan" və "İnter" komandaları münasibətlərinə aydınlıq gətirib. Qarşılaşmanın ilk hissəsində qol vurulmayıb. İkinci hissədə azarkeşlər 3 qola şahidlik edib. Əvvəlcə "İnter"in heyətində Meza Kolli, ardında "Rəvan"da Nuran Qurbanov və Ramazan Abbasov fərqlənib. Qarşılaşma meydan sahiblərinin 2:1 hesablı qələbəsi ilə yekunlaşıb.
Qeyd edək ki, cavab görüşləri martın 9-da keçiriləcək.
-----------------------------------------------------------------------------
Bu gün Azərbaycan Kubokunun 1/4 final mərhələsinin oyunlarına start verilib. Sportnet.az-ın məlumatına görə, ilk oyunda "Xəzər Lənkəran" doğma meydanda "Neftçi"ni sınağa çəkib.
Qarşılaşma Lənkəran təmsilçisinin 3:2 hesablı qələbəsi ilə yekunlaşıb.
"Xəzər Lənkəran"ın heyətində Vaquf Güləliyev, Tural Qürbətov və İbrahim Qədirzadə, "Neftçi"də isə Ruslan Qurbanov və Fəhmin Muradbəyli fərqlənib.
Cavab görüşü martın 9-da keçiriləcək.
--------------------------------------------------------------------------------------
Bu gün Azərbaycan Kubokunun 1/4 final mərhələsinin ilk oyunları keçiriləcək. Sportnet.az-ın məlumatına görə, oyunların 3-ü Bakıda, 1-i isə Lənkəranda keçiriləcək.
İlk oyunda iki əzəli rəqib - "Xəzər Lənkəran" və "Neftçi" komandaları qarşılaşacaq. Prinsipial rəqiblərin kubokdakı yolları iki dəfə kəsişib. 2010/11 mövsümündə baş tutan ən məhsuldar oyunda "Xəzər Lənkəran" səfər qələbəsi qazanıb – 4:3. Digər iki matçda qalib müəyyənləşməsə də, 120 dəqiqəsi heç-heçə başa çatan 3 il əvvəlki duel penaltilər seriyasınadək davam edib. "Neftçi" kubok oyunlarında məğlub edə bilmədiyi rəqibini yalnız finalın qalibinin müəyyənləşdiyi penaltilər seriyasında üstələyib.
"Qarabağ" öz meydanında "Sumqayıt"ı sınağa çəkəcək. Rəqiblərin yeganə kubok dueli 5 il əvvələ təsadüf edib. 1 oyundan ibarət 1/8 final matçında böyükhesablı qələbə qazanan (3:0) "Qarabağ" mərhələ adlayıb.
Bu cütlük kimi "Zirə" və "Qəbələ" komandaları da ölkə kubokunda üz-üzə gəlməyiblər. Premyer Liqada uğurlu debüt edən "Zirə" kubokda da yoluna davam etmək arzusundadır. Çempionatda ilk üçlüyün son pilləsində qərarlaşan "Qəbələ" də avrokubok şanslarını bir az da artırmaq üçün səfərdən sərfəli nəticə ilə dönməyə çalışacaq. Bu qarşılaşma "CBC Sport" telekanalı vasitəsilə canlı yayımlanacaq.
"Rəvan" və "İnter" komandaları isə indiyədək qarşılaşmayıblar. Premyer Liqanın sonuncu pilləsində qərarlaşan "Rəvan"ın qələbə qazanacağı inandırıcı görünmürsə, "İnter" üçün avrokuboklara gedən ən asan yolun kubokdan keçdiyini demək olar.
Cavab görüşləri martın 9-da keçiriləcək.
Azərbaycan Kuboku, 1/4 final, ilk oyunlar
14:00. "Xəzər Lənkəran" – "Neftçi" - 3:2
Qollar: Vaquf Güləliyev, 17. Tural Qürbətov, 19. İbrahim Qədirzadə, 52 - Ruslan Qurbanov, 22, Fəhmin Muradbəyli, 39
Hakimlər: Əliyar Ağayev, Zeynal Zeynalov, Rza Məmmədov, İnqilab Məmmədov
AFFA nümayəndəsi: Şaiq Həmidov
Hakim-inspektor: Əli Hüseynov
Lənkəran. "Xəzər Lənkəran" mərkəzi stadionu
17:00. "Qarabağ" – "Sumqayıt" - 2:0
Qollar: Riçard Almeyda, 52. Mahir Mədətov, 86
Hakimlər: Orxan Məmmədov, Yaşar Abbasov, Mehman Mahmudov, Elvin Əsgərov
AFFA nümayəndəsi: Namiq Məstanov
Hakim-inspektor: Asim Xudiyev
Bakı. "Azərsun Arena"
18:00. "Zirə" – "Qəbələ" - 1:2
Qollar: Nelson Bonilla, 77 - Aleksey Qay, 75. Dodo, 83
Hakimlər: Rəhim Həsənov, Namiq Hüseynov, Knyaz Əmiraslanov, Rauf Cabbarov
AFFA nümayəndəsi: Mübariz Hüseynov
Hakim-inspektor: Şahin Cəfərov
Bakı. Zirə İdman Kompleksinin stadionu
19:00. "Rəvan" – "İnter" - 2:1
Qol: Nuran Qurbanov, 60. Ramazan Abbasov, 81 - Meza Kolli, 56
Hakimlər: Ramil Diniyev, Azər Əsgərov, Cavanşir Yusifov, Rəvan Həmzəzadə
AFFA nümayəndəsi: Rauf Hüseynli
Hakim-inspektor: Məhəmməd Məmmədov
Bakı. "Bayıl Arena"
