Bakı "İnter"inin daha bir futbolçusu Sezar Meza Kolli bu həftə komanda ilə birgə məşqə çıxacaq. Sportnet.az-ın klubun rəsmi saytına istinadən məlumatına görə, paraqvaylı hücumçu həkim nəzarətində müalicəsini davam etdirir.
Müalicə prosesinin nəzərdə tutulduğu axarda gedəcəyi təqdirdə onun bu həftə komandayla məşqə çıxacağı gözlənilir.
Qeyd edək ki, Sezar Meza Kolli Azərbaycan Premyer Liqasının XXIX turunda AZAL-la matçda zədələnib. Oyun zamanı əməliyyat olunmuş yerdən xəsarət alan futbolçunun ayağı yüngül burxulub. "İnter" növbəti turda səfərdə "Qarabağ"la üz-üzə gələcək. Oyun aprelin 22-də keçiriləcək.
