Futbol üzrə Azərbaycan Kubokunun final matçının keçiriləcəyi stadion müəyyənləşib. Sportnet.az-ın məlumatına görə, qarşılaşma Tofiq Bəhramov adına Respublika stadionunda oynanılacaq.
Mayın 25-də baş tutacaq görüşdə "Qarabağ"la "Neftçi" komandaları üz-üzə gələcək. Görüşün başlama saatı hələ bəlli deyil. Nominal meydan sahibi isə "Qarabağ" olacaq.
Qeyd edək ki, Respublika stadionu Gənclər və İdman Nazirliyinin balansında olsa da, "Qarabağ" tərəfindən icarəyə götürülüb.
