Futbol üzrə Azərbaycan I Divizionunun qalibi "Neftçala” klubuna qızıl medallar və kubok təqdim olunub. Sportnet.az-ın məlumatına görə, çempiona evdə "Energetik"i 10:0 hesabı ilə məğlub etdiyi oyundan sonra mükafatlandırılıb.
Kuboku və qızıl medalları qalibə Peşəkar Futbol Liqasının (PFL) prezidenti Ramin Musayev təqdim edib. PFL rəhbəri "Neftçala”nı çempionluq münasibətilə təbrik edib, kluba arzularını bildirib.
