"Qarabağ"ın futbolçusu Qara Qarayevin Sportnet.az-a müsahibəsi
- Son günlər yenidən "Qarabağ"dan ayılacağınla bağlı xəbərlər dolaşır. Bunlar nə dərəcədə həqiqətəuyğundur?
- Başqa kluba getmək məsələsi yoxdur. "Qarabağ"da qalacağam. Klubun mənə ehtiyacı olduğu qədər belə olacaq.
- Müqavilən nə vaxtadəkdir?
- "Qarabağ"la daha bir illik anlaşmam var. Söz-söhbətlərdir, yazırlar. Bunlar artıq şeylərdir. "Qarabağ"dan getməyimlə bağlı heç bir söhbət yoxdur.
- Yazılanlar sənə pis təsir etmir?
- Arada təsir edir. Bəzi insanlar da var ki, xəbərin altında şərhlər yazırlar. Bu, həqiqətən mənə xoş deyil. Yalan bir məlumatın yazılması və ona şərh vermək mənə pis təsir göstərir. Ancaq buna baxmayaraq, elə də əhəmiyyət vermirəm. Mən komandadayam, burada da qalacağam.
- "Qarabağ"da bir ara ehtiyada qalsan da, sonradan yenidən daim əsas heyətdə yer aldın...
- Elə ona görə bunların yazılmasına səbəb də yoxdur. Oynadığım ərəfədə belə şeylərin yazılması mənim üçün xoş deyil. Kimlər yazıbsa, Allah köməkləri olsun. Yalan deyərəm ki, bunlar məqsədli yazılır, ya yox. Kimlərsə yanlış olaraq, belə şeylər yazırsa, yəqin ki, məqsədlidir.
- 24 yaşında ardıcıl 3-cü dəfə Azərbaycan çempionu oldun...
- Bu, bizə qismət olur. Bu yaşımızda belə bir nəticə qazanmşıq. Ancaq bu, lk növbədə bizi azdırmamalı, eyforiyaya qapandırmamalıdır. İşimizə nə qədər ciddi yanaşmışıqsa, bundan sonra da ciddi yanaşacağıq. Qazandığılm titulları daha da artıracağam. Bu klub, bu camiə, bu azarkeşlər üçün daha yaxşısını etməyə çalıaşacğam.
- Bundan sonra ən böyük hədəfiniz Çempionlar Liqasında qrupa düşmək olmalıdır ki, bu da çempionluqdan daha böyük uğur sayılacaq...
- Bu də hədəflərimizdə var və nail olmağa səy göstərəcəyik. Avrokuboklarda nə qədər bacarıqırısa, irəli getməyə çalıaşacğıq. Heç kim zəmanət verməz ki, nəticə qazanacağıq.
- Səncə, çempionatımızda əvvəlki rəqabət olmadığına görə "Qarabağ" Çempionlar Liqasında sınaq öncəsi geriləməyibmi?
- Dediyiniz amilin hardasa təsiri ola bilər. Bunu aaradan qaldırmaq üçün yay toplanışında daha çox çalışmalıyıq.
