Mirça Luçeskunun Ukrayna "Şaxtyor"unun baş məşqçi postundakı fəaliyyəti rəsmən bitib. Sportnet.az-ın məlumatına görə, Ukrayna Kuboku uğrunda final matçında "Zarya"ya 2:0 hesabı ilə qalib gəldikləri oyun 71 yaşlı rumıniyalı mütəxəssisin sonuncu matçı olub.
Luçesku Donetsk təmsilçisindən 10-cu ölkə kubokunu qazandırmaqla gedib.
O, 2004-cü ildən çalışdırdığı "Şaxtyor"u 573 oyuna çıxarıb və 22 titul qazandırıb. Onun 12 illik fasiləsiz fəaliyyəti klubun tarixi üçün mütləq rekorddur. Luçesku 8 dəfə Ukraynanın ən yaxşı məşqçisi seçilib. "Şaxtyor" rumıniyalı mütəxəssisə gələcək karyerasında uğurlar diləyib.
