İtaliyanın "Roma" klubu əfsanəvi futbolçusu Françesko Tottinin gələcək taleyinə aydınlıq gətirib. Sportnet.az-ın məlumatına görə, paytaxtın eyniadlı təmsilçisi 40 yaşlı kapitanı ilə müqaviləni daha 1 illiyə uzadıb. Bununla da romalıların Tottidən imtina edəcəyi ilə bağlı gəzən söz-söhbətlərin əsassız olduğu təsdiqlənib.
Təcrübəli yarımmüdafiəçi müqavilənin uzadılması ilə bağlı emosiyalarını bölüşüb: "Mən həqiqətən müqaviləni uzatmaq istəyirdim. Arzum həyata keçdi. Həmişə karyeramı "Roma"da bitirmək istəmişəm. Klub prezidenti ilə söhbətdən sonra başa düşdüm ki, birgə işlədiyimiz zaman çox şeyə nail ola bilərik".
Xatırladaq ki, Françesko Totti son mövsüm "Roma"da 13 oyun keçirib və bunların 2-də əsas heyətdə olub. Onun hesabında 5 qol, 3 məhsuldar ötürmə və 3 sarı vərəqə var.
