AFFA Klublar Komitəsi cari mövsümün son iclasına başlayıb. Sportnet.az-ın məlumatına görə, iclas AFFA-nın inzibati binasında keçirilir.
İclasda AZAL klubunun vitse-prezidenti, komitə sədri Fikrət Hüseynov, "Kəpəz"in Müşahidə Şurasının üzvü Mikayıl Nərimanoğlu, "İnter"in prezidenti Rəşad Qasımov, "Qarabağ"ın baş meneceri Asif Əsgərov, "Sumqayıt"ın prezidenti Kamran Quliyev, "Rəvan"ın vitse-prezidenti İlqar Axundov, "Neftçi"nin icraçı direktorunun müavini Mübariz Xudiyev, "Xəzər Lənkəran"ın beynəlxalq əlaqələr üzrə meneceri Ramil Cahangirov iştirak edir.
"Qəbələ" və "Zirə" nümayəndələri iclasa gecikib. "Qəbələ"nin vitse-prezidenti Fariz Nəcəfov və "Zirə"nin prezidenti Vüqar Astanov iclasa təxminən 45 dəqiqə gec qatılıb.
İclasda əsas müzakirələr legioner rüsumlarının azaldılması və klubların vəziyyəti lə bağlı olacaq.
