"Neftçi” futbol komandasında mövsümlərarası fasilə başa çatıb. Sportnet.az-ın klubun rəsmi saytına istinadən məlumatına görə, iki günlük tibbi müayinədən sonra "ağ-qaralar" bu gün məşqlərə start verib.
Futbolçular iyunun 14-dək klubun təlim-məşq bazasında hazırlıq keçəcəklər. Komanda üzvləri ertəsi gün təlim-məşq toplanışı keçmək üçün Türkiyəyə yollanacaqlar.
Qeyd edək ki, "Neftçi” Avropa Liqasının ilkin təsnifat mərhələsindəki oyunlarını iyunun 30-da və iyulun 7-də keçirəcək. Püşkatma mərasimi iyunun 20-də İsveçrənin Nyon şəhərində baş tutacaq.
