İspaniya milli komandasının yarımmüdafiəçiləri Andres İnyesta ilə Sesk Fabreqas Avropa çempionatlarının tarixinə düşüblər. Sportnet.az-ın məəlumatına görə, hər iki futbolçu final mərhələsində 10-cu qələbədə iştirak ediblər.
Bununla da İnyesta ilə Fabreqas həmin göstəricidə rekordçu olublar. Belə ki, onlardan başqa heç bir futbolçu Avropa çempionatının final mərhələsində yığmasıyla 10 dəfə qələbə qazanmayıb. İspan orta sahə oyunçularının rekordları hələ 2008-ci ildən başlayıb ki, onlar həmin və 4 il sonra keçirilən turun qalibi olublar.
Xatırladaq ki, İspaniya AVRO-2016-ya Çexiya üzərində 1:0 hesablı qələbə ilə başlayıb. İntesta 87-ci dəqiqədə vurulan qələbə topunda "Barselona"dakı komanda yoldaşı Xerard Pikeyə məhsuldar ötürmə edib.
