İyunun 25-də utbol üzrə Avropa çempionatının 1/8 final mərhələsinə start verilib. Sportnet.az-ın məlumatına görə, ilk oyun günündə 3 qarşılaşma keçirilib.
Pley-off mərhələsinin ilk matçları gərgin keçib və 90 dəqiqəlik mübarizələr qol cəhətdən kasad olub. Təsadüfi deyil ki, 3 oyunda qapılardan cəmi 3 top keçib. Uels millisi avtoqol sayəsində debüt etdiyi final mərhələsində növbəti tarix nəticəyə imza ataraq ilk dəfə 1/4 finala yüksəlib. Polşa yığması da bu turnirdə ilk dəfə bu mərhələnin iştirakçısı olacaq. Polşalılar İsveçrə yığması ilə mübarizədə oyunsonrası penaltilərdə qələbəyə sevinib.
Xorvatiya ilə Portuqaliya yığmalarının duelində isə 90 dəqiqədə qol da vurulmayıb. Qalib əlavə vaxtın sonuna 3 dəqiqə qalmış vurulan yeganə qolla müəyyənləşib. İkinci hissədə meydana çıxan "Beşiktaş"lı Rikardo Kuarejma başla topu boş qapıdan keçirib. Bu qolda Portuqaliya yığmasının kapitanı Kriştianu Ronaldunun böyük rolu olub.
Bununla da qrup mərhələsində hər 3 oyununu heç-heçə başa vuran portuqaliyalılar axır ki ilk qələbəsini qazanıblar. Onların 1/4 finalda rəqibi Polşa olacaq. İyunun 30-da Marseldə keçiriləcək bu matçla 1/4 final mərhələsinə start veriləcək. Uels isə həmin mərhələdə iyulun 1-də Lilldə Belçika - Macarıstan cütünün qalibi ilə görüşəcək. Həmin oyun isə bu gün keçiriləcək.
25 iyun, 1/8 final
17:00. İsveçrə - Polşa - 1:1 (penaltilərlə - 4:5)
Qollar: Yakub Blaşikovski, 39 - Xerdan Şakiri, 82
Oyunsonrası penaltilər seriyası: Ştefan Lixtştayner (1:0), Robert Levandovski (1:1), Qranit Xaka (1:1, yan), Arkadiuş Milik (1:2), Xedran Şakiri (2:2), Kamil Qilik (2:3), Fabian Şar (3:3), Yakub Blaşikovski (3:4), Rikardo Rodriqes (4:4), Qreqorj Krişovyak (4:5)
Baş hakim: Mark Klattenburq
Yan xətt hakimləri: Simon Bek, Ceyk Kollin
Əlavə köməkçi-hakimlər: Entoni Teylor, Andre Marriner (hamısı İngiltərə)
Dürdüncü hakim: Tasos Sidiropulos
Ehtiyat köməkçi-hakim: Damianos Eftimiadis (hər ikisi Yunanıstan)
Hakim-inspektor: Nikolay Levnikov (Rusiya)
UEFA nümayəndəsi: Nodar Axalkatsi (Gürcüstan)
Sent-Etyen. "Joffrua Gişar" stadionu
20:00. Uels - Şimali İrlandiya - 1:0
Qol: Qaret Makauley, 75-öz qapısına
Baş hakim: Martin Atkinson
Yan xətt hakimləri: Mixael Mullerkey, Stefan Çayld
Əlavə köməkçi-hakimlər: Mixael Oliver, Kreyq Pouson (hamısı İngiltərə)
Dördüncü hakim: Feliks Brıx
Ehtiyat köməkçi-hakim: Mark Borş (hər ikisi Almaniya)
Hakim-inspektor: Mark Batta (Fransa)
UEFA nümayəndəsi: Stin Dahrup (Danimarka)
Paris. "Park de France"
23:00. Xorvatiya - Portuqaliya - 0:1 (əlavə vaxtda)
Qol: Rikardo Kuarejma, 117
Baş hakim: Karlos Velasko Karbalyo
Yan xətt hakimləri: Roberto Alonso Fernandes, Xuan Karlos Yuste Ximenes,
Əlavə köməkçi-hakimlər: Xesus Gil Manzano, Karlos del Serro Qrande (hamısı İspaniya)
Dördüncü hakim: Viktor Kassai
Ehtiyat köməkçi-hakim: Györgi Rinq (hər ikisi Macarıstan)
Hakim-inspektor: Devid Elleray (İngiltərə)
UEFA nümayəndəsi: Alan Mkray (Şotlandiya)
Lans. "Boller Delelis" stadionu
Qeyd edək ki, 1/8 finalın digər görüşləri 26-27 iyunda keçiriləcək.
