"Qarabağ" hollandiyalı futbolçusu Leroy Corcu geri qaytarır. Sportnet.az-ın Türkiyə mətbuatına istinadən məlumatına görə, ötən yay Ağdam klubundan "Göztəpə"yə keçən legioner Azərbaycandan yenidən dəvət alıb. Özü də bu yalnız "Qarabağ"dan yox, daha 2 klubumuzdandır.
"Göztəpə"nin baş məşqçisi Okan Buruk yollarını ayırmaq fikrində olduqları futbolçuların, o cümlədən Corcun sabahdan yeni mövsümə hazırlığa komandayla brigə başlayacağını bildirib: "Onların hələ klubumuzla müqavilələri var. Corca gələn təklfilər var. Rəhbərlik həm klubumuzun, həm də futbolçuların maraqlarına uyğun ən düzgün qərarı verəcək".
Xatırladaq ki, Corc "Göztəpə"də ötən mövsümün ilk yarısında yaxşı oynasa da, sonradan əsas heyətə düşməkdə çətinlik çəkib.
