Avstriyanın "Admira" klubu Avropa Liqasının II təsnifat mərhələsində "Kəpəz"lə səfər oyunu ilə bağlı azarkeşlərə müraciət edib. Sportnetaz-ın məlumatına görə, avstriyalılar iyulun 20-də Bakıda "Dalğa Arena"da keçiriləcək matçı izləmək istəyənlərə üçün xüsusi paket təklif edib. Bu haqda klubun rəsmi saytında məlumat yerləşdirilib.
Bura "Admira"nı Bakıya aparıb geri qaytaracaq çarter reysinə bilet, komanda ilə birgə oteldə tək otaqda qalmaq, oyuna bilet, stadiona transfer daxildir. Paketin qiyməti 990 avrodur.
