"Qəbələ” klubu ukraynalı futbolçusu Aleksey Antonovla yollarını ayırıb. Sportnet.az-ın klubun rəsmi saytına istinadən məlumatına görə, 30 yaşlı hücumçu ilə müqaviləyə qarşılıqlı razılıqla xitam verilib.
2015-ci yayından "qırmızı-qara” forma geyinən Antonov 2015-2016 mövsümündə əyalət təmsilçisinin şərəfini qoruyub. O, "Qəbələ”də çıxış etdiyi mövsüm ərzində 49 oyuna 8 qol vurub.
Premyer Liqada 32 matçda 7 dəfə rəqib qapılarına yol tapan legioner başa çatan mövsümün 3 kubok matçında da forma geyinib. Antonov UEFA Avropa Liqasında 14 qarşılaşmada 1 dəfə rəqib qapısına yol tapıb.
