"Qarabağ"ın 3 futbolçusu cəzalı duruma düşmək təhlükəsi ilə üzləşib. Sportnet.az-ın məlumatına görə, Ağdam klubunun Çempionlar Liqasının (ÇL) III təsnifat mərhələsində Çexiyanın "Viktoriya" klubu ilə cavab qarşılaşmasında müdafiəçisi Maksim Medvedev, yarımmüdafiəçiləri Qara Qarayev və ispaniyalı Migel Maderanın aldıqları sarı vərəqələr turnirdə 2-ci olub.
Bununla da hər 3 futbolçu vərəqə limitini aşmaq üzrədir. "Qarabağ" ÇL-də mübarizəni dayandırsa da, vərəqələr Avropa Liqasında da qüvvədə qalacaq. Yəni Medvedev, Qarayev və Madera həmin turnirin ilk pley-off matçında vərəqə alsalar, cavab oyunlarında cəzalı duruma düşəcəklər.
Hər 3 futbolçu ilk sarı vərəqələrini I təsnifat mərhələsində Lüksemburqun "Düdelanj" klubu ilə matçlarda olub. Medvedevlə Qarayev ev, Madera səfər matçında xəbərdarlıq alıb.
