Futbol meneceri Mino Rayola mafiya lideri olmuş Al Kaponeyə məxsus villanı alıb. Sportnet.az-ın məlumatına görə, menecer bunun üçün 9 milyon avro ödəyib.
Villanın həyətində hovuz və A.Kaponenin mühafizəçilərinin qalması üçün mühafizə kabinələri var. Menecerin transfer siyahısına Bleza Matyuidi, Henrix Mxitaryan, Mario Balotelli, Zlatan İbrahimoviç kimi futbolçular daxildir. Onun Pol Poqbanın "Yuventus"dan "Mançester Yunayted"ə keçidindən 25 milyon avro qazandığı bildirilir.
Qeyd edək ki, italyan əsilli Al Kapino XX əsrin birinci yarısında məşhur mafia lideri olub. "Yaralı üz" ləqəbli Kapone içki qaçaqmalçılığı, şantaj kimi işlərlə məşğul olub. O, 1947-ci il yanvarın 25-də - 48 yaşında ölüb.
