UEFA Çempionlar Liqasında iştirak edən komandalarla bağlı yeni qərar qəbul edib. Sportnet.az-ın məlumatına görə, 2018-ci ildən reytinq siyahısının ilk 4 pilləsində qərarlaşan ölkələr Avropanın ən nüfuzlu klub turnirində 4 komanda ilə təmsil olunacaq.
Üstəlik həmin komandalar bir başa qrup mərhələsinə vəsiqə qazanacaqlar. Tətbiq olunacaq yeni qaydalara əsasən klublar öz topladıqları xallara görə dəyərləndiriləcək və ölkə reytinqi nəzərə alınmayacaq. Həmin bu xallarda komandaların əvvəlki illərdə qazandığı kuboklar əlavə xal olaraq veriləcək.
Qeyd edək ki, hazırkı qaydalara əsasən ilk 3 pillədə qərarlaşan ölkələrin 3 komandası birbaşa Çempionlar Liqasının qrup mərhələsində iştirak hüququ qazanır. Dördüncü komanda isə təsnifar mərhələsi və ya "pley-off"da çıxış edir.
