Azərbaycan klubları avrokuboklarda İtaliya təmsilçiləri ilə 5-ci dəfə görüşəcəklər. Sportnet.az-ın məlumatına görə, əvvəlki duellər yalnız "İnter”lə olub. Bu dəfə isə "Fiorentina” Avropa Liqasının qrup mərhələsində "Qarabağ”a rəqibdir.
Ağdam klubu qrupda debüt etdiyi 2014/15 mövsümündə də II turda italyanların qonağı olub, son turda isə qəbul edib. "İnter”ə Milanda 0:2 hesabı ilə uduzan Qurban Qurbanovun komandası Tofiq Bəhramov adına Respublika stadionunda qolsuz heç-heçə edib.
Göründüyü kimi, "Qarabağ” hələ ki italyanlara qol vurmayıb. Əslində, komandamız bunu ev matçının son saniyələrində etsə də, çexiyalı baş hakim Miroslav Zelinka braziliyalı yarımmüdafiəçi Riçard Almeydanın təmiz qolunu saymayaraq qərəzli qərar qəbul etdi.
İtaliya klubları ilə ilk sınağımız isə "Neftçi” ilə olub. Bu, Azərbaycanın qrup mərhələsində debüt etdiyi 2014/15 mövsümünə təsadüf edir. "Neftçi” əzəli rəqibi "Qarabağ”dan fərqli "İnter” nəinki qol vurub, bunu hər 2 oyunda reallaşdıra bilib. Düzdür, həmin matçlarda da qələbə olmayıb, onda da heç-heçə və 2 top fərlqi məğlubiyyət qeydə alınıb. Sadəcə, fərq ondadır ki, "Neftçi”də "Tofiq Bəhramov”da 1:3 hesabı ilə uduzub, "San-Siro”da 2:2 hesablı heç-heçə edib.
"Ağ-qaralar"ın çilili hücumçusu Nikolas Kanales "İnter”in qapısına hər 2 oyunda yol tapa bilib. İtaliya klublarına qol vuran ilk və hələ ki yeganə azətbaycanlı futbolçu Rəşad Sadiqovdur. Milanda baxımlı qola imza atan təcrübəli yarımmüdafiəçi onda "Neftçi”nin, hazırda "Qəbələ”nin kapitnadır. Sadiqov "Qarabağ”da da bu sarğını daşısa da, onun heyətində qrupda çıxış etməyib.
Qeyd edək ki, "Fiorentina" - "Qarabağ" matçı sentyabrın 29-da Bakı vaxtilə saat 21:00-da başlayacaq.
