Futbol üzrə Avropa Liqasının J qrupunda "Qarabağ"la Yunanıstan PAOK-u arasında keçiriləcək Tofiq Bəhramov adına Respublika Stadionu komandaları qəbul etməyə hazırdır. Sportnet.az-ın məlumatına görə, stadionun direktoru Şamil Quliyev "Report"a açıqlamasında bir müddətdir ot örtüyünün yararsız olması səbəbindən təmirə bağlanan mərkəzi arena tam hazır vəziyyətə gətirildiyini bildirib.
O, aramsız yağışlar yeni ot örtüyünə heç bir ziyan vurmadığını deyib. Hazırda arenanın ot örtüyü Qəbələ şəhər stadionuna qulluq edən ingilis Filip Şarplesin nəzarətindədir.
Qeyd edək ki, sabah keçiriləcək "Qarabağ" - PAOK oyunu saat 21:00-da başlayacaq.
