Bu gün futbol üzrə Çempionlar Liqasında qrup mərhələsinin VI turunun 8 oyunu keçirilib. Sportnet.az-ın məlumatına görə, A, B, C və D qruplarında keçirilən qarşılaşmalardan sonra qitənin ən nüfuzlu klub turnirində yoluna davam edən 8 və Avropa Liqasına vəsiqə qazanan 4 komandanın adına aydınlıq gəlib.
A qrupunda 1/8 final mərhələsinə yüksələn komandalar əvəvldən məlum idi. Son tur "Arsenal"ın qrup lideri olmasını, PSJ-nin isə 2-ci yeri tutmasını müəyyənləşdirib. Avropa Liqasına vəsiqə Fransada xal qazanan "Ludoqorets"ə nəsib olub.
B qrupunda 1/8 finala "Napoli" ilə "Benfika" çıxıb. Neapol təmsilçisi Lissabonda rəqibini məğlub edərək qrup lideri olub. "Beşiktaş" isə ÇL-də mübarizəni davam etdrmək şansını əldən verib. Bu azmış kimi, Şenol Günəşin komandası iki qırmızı vərəqə aldığı autsayder "Dinamo" ilə oyunda 0:6 hesabı ilə uduzmaqla rüsvay olub. Hər halda, İstanbul təmsilçisi mübarizəni Avropa Liqasında davam etdirəcək.
C qrupunda isə hər iki görüş formal xarakter daşıyıb. İspaniyanın "Barselona" və İngiltərənin "Mançester Siti" klubu müvafiq olaraq ilk iki pillədə yer alıb. Almaniyanın "Borussiya" (Münhenqladbax) klubu isə yoluna Avropa Liqasında davam edəcək.
D qrupunda isə İspaniya "Atletiko"su Almaniya "Bavariya"sı gecənin nəticələrindən asılı olmayaraq 1 isə 2-ci pillədə yola davam ediblər. Bu qrupdan Avropa Liqasına yollanacaq komanda isə Rusiya "Rostov"u olub.
Çempionlar Liqası, qrup mərhələsi, VI tur
6 dekabr
A qrupu
23:45. "Bazel" (İsveçrə) - "Arsenal" (İngiltərə) - 1:4
Qol: Seydu Dumbiya, 78 - Lukas Perez, 8, 16, 47, Aleks İvobi, 54
23:45. PSJ (Fransa) - "Ludoqorets" (Bolqarıstan) - 2:2
Qollar: Edison Kavani, 61, Anhel Di Mariya, 90+3 - Virgil Misican, 15, Vanderson, 69
Xal durumu: "Arsenal" - 14. PSJ - 12. "Ludoqorets" - 3. "Bazel" - 2.
B qrupu
23:45. "Benfika" (Portuqaliya) - "Napoli" (İtaliya) - 1:2
Qollar: Raul Ximenes, 87 - Joze
Kalyexon, 60, Dries Mertens, 79
23:45. "Dinamo" (Kiyev, Ukrayna) - "Beşiktaş" (Türkiyə) - 6:0
Qollar: Artyom Besedin, 9, Andrey Yarmolenko, 30-pen, Vitali Buyalski, 33, Derlis Qonsales, 45+3, Sergey Sidorçuk, 60, Junior Moraeş, 77
Qırmızı vərəqələr: Andreas Bek, 30 ("Beşiktaş", birbaşa), Vinsent Abubakar, 56 ("Beşiktaş", ikicni sarı)
Xal durumu: "Napoli" - 11. "Benfika" - 8. "Beşiktaş" - 7. "Dinamo" - 5.
C qrupu
23:45. "Mançester Siti" (İngiltərə) - "Seltik" (Şotlandiya) - 1:1
Qollar: Keleçi İheanaço, 8 - Patrik Roberts, 4
23:45. "Barselona" (İspaniya) - "Borussiya" (Münhenqladbax, Almaniya) - 4:0
Qollar: Lionel Messi, 16, Arda Turan, 50, 54, 67
Xal durumu: "Barselona" - 15, "Mançester Siti" - 9. "Borussiya - 5. "Seltik" - 3.
D qrupu
23:45. "Bavariya" (Almaniya) - "Atletiko" (İspaniya) - 1:0
Qol: Robert
Levandovski, 28
23:45. PSV (Hollandiya) - "Rostov" (Rusiya) - 0:0
Xal durumu: "Atletiko" - 15. "Bavariya" - 12. "Rostov" - 5. PSV - 2.
