AFFA-nın İntizam Komitəsi ölkə çempionatlarında keçirilən oyunlarda hakimi təhqir edən futbolçuları cəzalandırıb. Sportnet.az-ın məlumatına görə, U-15 Liqasında "Vətən” RİOEUG (Bakı) və "Sumqayıt" komandaları arasındakı görüşdə ikincilərin heyətində Elçin Abbasov hakimi təhqir etdiyinə görə meydandan kənarlaşdırılıb.
Nəticədə futbolçu 4 oyunluq cəzaya məruz qalıb.
Futzal üzrə Azərbaycan birinciliyinin II dəstəsinin "Sirab" - "Atletiko Baku" matçının 7-ci dəqiqəsində qonaqların futbolçusu Cəmil Rəmixan sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb. Oyunun 39-cu dəqiqəsində "Sirab"ın futbolçusu Tural Hüseynov hakimi təhqir etdiyinə görə meydandan kənarlaşdırıldığı üçün 4 oyun komandasına kömək edə bilməyəcək. 49-cu dəqiqədə isə onun komanda yoldaşı Anar Abbasov da hakimi təhqir edərək meydançadan qovulub. Bu həkərəti nəticəsində futbolçu 4 oyun cəzalanıb.
Futzal üzrə Azərbaycan birinciliyinin "Gənclərbirliyi" - "Qarabağ" matçının 28-ci dəqiqəsində meydan sahiblərinin futbolçusu Nemət Manafov hakimi təhqir etdiyinə görə meydandan kənarlaşdırıldığı üçün 4 oyun cəzalanıb.
