AFFA Hakimlər Komitəsinin sədri Xaqani Məmmədov FİFA referisi Əliyar Ağayevin məsələsinə yenidən toxunub. Sportnet.az-ın məlumatına görə, komitə başçısı "Xəzər TV"də "Futbol proqramı" verilişində 29 yaşlı hakimin UEFA-nın I kateqoriyasına yüksəlməsi ilə bağlı fikirlərinə bir daha aydınlıq gətirib.
Məmmədovun sözlərinə görə, Ağayev tanınmış avropalı hakimlərlə bir siyahıda yer alıb və sadəcə, bunun rəsmiləşməsi qalıb: "Əliyar növbəti ilin fevralı və ya martında çox mötəbər oyuna təyinat gözləyir. Sadəcə, baş verənlərdən sonra həmin matçı açıqlamağa qorxuram".
Xatırladaq ki, Xaqani Məmmədov məhz "Futbol saatı"nın ötən verilişində Əliyar Ağayevin I kateqoriyaya daxil olduğunu açıqlayıb. Ancaq bundan sonra UEFA-nın dərc etdiyi siyahıda Ağayevin soyadının olmaması ilə komitə sədrinin yalan danışması mətbuatda geniş müzakirə obyektinə çevrilib.
