Bu gün İdman Araşdırmaları Mərkəzinin (İAM) "İlin qalibləri-2016" layihəsi çərçivəsində müxtəlif nominasiyalar üzrə mükafatlandırma mərasimi keçiriləcək. Sportnet.az-ın məlumatına görə, İAM-ın təşkilatçılığı, "İtaldizain Group"un baş sponsorluğu, "Report" agentliyi və Sportnet.az portalının informasiya dəstəyi ilə həyata keçirilən tədbir saat 14:00-da "Boulevard Hotel"də təşkil olunacaq.
11 nominasiyada qalib səsvermə yolu ilə müəyyənləşib.
1. İlin idman xadimi
2. İlin yerli idmançısı
3. İlin əcnəbi idmançısı
4. İlin futbolçusu
5. İlin komandası
- Futbol
- Digər növlər üzrə
6. İlin baş məşqçisi
- Futbol
- Digər növlər üzrə
7. İlin mətbuat katibi
- Futbol
- Digər növlər üzrə
8. İlin idman jurnalisti
Sorğu Azərbaycanın müxtəlif KİV-lərində çalışan idman jurnalistləri arasında, hər bir KİV-dən bir jurnalist olmaqla, keçirilib. Bu zaman jurnalistlər təklif olunan namizədlərdən savayı şəxs və ya komandanı qalib kimi göstərə biliblər. Yekunda ən çox səs toplayan namizəd qalib elan olunub. Yalnız "İlin idman jurnalisti" nominasiyasında namizədlər göstərilməyib.
Tədbirdə eyni zamanda İAM-ın 7 xüsusi mükafatı sahiblərinə təqdim olunacaq ki, bu da ümumilikdə 18 mükafatın olacağı deməkdir. Bir sözlə, ilin komandası - "18-liy"i müəyyənləşir.
Qeyd edək ki İAM ardıcıl 4-cü ildir belə mükafatlandırma mərasimini keçirir.
