"Neftçi" futbolçusu Eltun Yaqublunu icarəyə verib. Bu haqda Sportnet.az-a komandanın baş məşqçisi Elxan Abdullayev məlumat verib.
O, gənc müdafiəçinin birinci divizion təmsilçisi "Səbail"ə keçdiyini bildirib: "Eltun özü bizə müraciət etdi. İstədi ki, daha çox oyun praktikası qazansın. Mən də onunla razılaşdım. Qərara gəldik ki, mövsümün sonunadək icarəyə verək. "Səbail"də daha çox oynayar, komandaya kömək edər".
Qeyd edək ki, "Neftçi"yə yayda "Qarabağ"dan keçən 25 yaşlı Yaqublu cari mövsümün ilk yarısında daha çox ehtiyatda qalıb.
Mehman SÜLEYMANOV
