"Qəbələ"nin sabiq legioneri Davronjon Yerqaşev Birləşmiş Ərəb Əmirliklərinə (BƏƏ) yollanır. Sportnet.az-ın məlumatına görə. 28 yaşlı müdafiəçinin karyerasını bu ölkənin klublarından birində davam etdirmə varinatı yaranıb.
Tacikistan milli komandasının üzvü olan futbolçu ötən ili Qazaxıstanın "Taraz" klubunda keçirib. O, "Qəbələ"də Yuri Syomin baş məşqçi olanda - 2013/2014 mövsümünün ikinci yarısında 9 oyuna çıxıb. Yerqaşev Premyer Liqanın bürünc medalçısı və Azərbaycan Kubokunun finalçısı olub.
