"Səbail" gələcək üçün hədəfləri olan klubdur. Birinci dövrənin sonuna yaxın klub mənə təklif göndərdi. Mən də razılaşdım". Sportnet.az-ın məlumatına görə, bu fikirləri "Səbail"in yeni transferi Ruslan Tağızadə klubun rəsmi "Facebook" səhifəsinə açıqlamasında bildirib.
Bu gün "ağ-göy" formayla keçirdiyi ilk oyununda MOİK-ə qarşı yoldaşlıq görüşündə qol hesabını açan 23 yaşlı yarımmüdafiəçi yeni klubuna keçidindən danışıb: "Səbail"də komandanın uğurlu çıxışı üçün rəhbərlik tərəfindən hər cür şərait yaradılıb. Yanvarın 14-də toplanışın davamı üçün Antalyaya yola düşəcəyik. Məqsədimiz yaxşı hazırlıq keçmək və çempion olub, Premyer Liqaya vəsiqə qazanmaqdır. İnanıram ki, mən də bu çempionluq yolunda komandaya öz oyunumla töhvə verə biləcəm".
