Azərbaycan I divizionunda çıxış edən "Şəmkir" Türkiyənin Antalya bölgəsindəki təlim-məşq toplanışı çərçivəsində növbəti yoxlama oyununa çıxacaq. Sportnet.az-ın məlumatına görə, rəqib Ukraynanın "Dnepr" klubudur.
Bu "Şəmkir"in toplanış çərçivəsində dördüncü yoxlama matçı olacaq. Qarşılaşma Bakı vaxtı ilə saat 18:00-da başlayacaq.
Buna qədər Türkiyənin aşağı liqa təmsilçisi "Quşadası"nı 1:0, Qazaxıstanın "Kıran" və "Okzhetpes" klublarını müvafiq olaraq 2:1 və 1:0 hesabı ilə məğlub edən "Şəmkir" həmin ölkənin "Tobol" komandası ilə sülh bağlayıb - 1:1.
Yoxlama oyunu
18:00. "Şəmkir" - "Dnepr"
