"Qəbələ"nin ötən mövsüm Avropa Liqasının III təsnifat mərhələsində mübarizədən kənarlaşdığı Fransaın "Lill" klubu ölkə çempionatında növbəti turun oyununda maraqlı addım atıb. Sportnet.az-ın məlumatına görə, Lill təmsilçisi "Loryan"la ev matçında bütün qadınlar üçün stadiona girişi pulsuz edib.
Bu güzəşt "Lion" - "Lill" matçında (1:2) təqdim olunan bannerə reaksiya olaraq edilib. Həmin bannerdə kişi və qadın fiqurları çəkilib. Kişi fiqurunun qarşısında "stadion", qadında isə "mətbəx" sözü yazılıb.
Bu insident "Lion"un bütün qadın azarkeşlərini və klubun 14 dəfə çempion olan qadınlardan ibarət komandasını hiddətləndirib. "Lion"un prezidenti Jan-Mişel Olas həmin yolverilməz banneri yaradan insanları tapıb cəzalandıracağına söz verib.
