İsrailli mütəxəssis Avraam Qrant Qana milli komandasının baş məşqçi postundan istefa verib. Sportnet.az-ın məlumatına görə, bu, həmin yığmanın Afrika Millətlər Kubokunda çıxışını başa vurandan sonra gerçəkləşib.
Yarımfinalda Kameruna 0:2 hesabı ilə uduzan qanalılar bürünc medal uğrunda oyunda Burkina Fasoya yenilib - 0:1. Bununla da Qrantın komandası məsul yarışı medalsız başa vurub. 63 yaşlı mütəxəssis 2014-cü ildən başçılıq etdiyi Qana yığmasını 2015-ci ildə Afika Millətlər Kubokunda finaladək aparıb.
Xatırladaq ki, Avraam Qrant 2004-cü ildə İsrail millisinin baş məşqçisi olanda Azərbaycan yığmasına evdə yoldaşlıq görüşündə 6:0 hesabı ilə qalib gəlib.
