Almaniyalı jurnalist Marsel Rayf Bundesliqanın cari mövsümünün çempionu üçün qeyri-adi təklifi ilə diqqət mərkəzinə düşüb. Sportnet.az-ın məlumatına görə, həmkarımız çempionatın debütantı "Leyptsiq"in qalib olacağına şübhə edir.
Ancaq bu, baş verərsə, Rayf ictimaiyyət qarşısına lüt çıxacağına söz verib: "Bu komanda çempion olmayacaq. Dediyimin əksi olsa, Leyptsiq şəhərinin mərkəzi ilə çılpaq gəzəcəyəm".
Azarkeşləri "Leyptsiq"in Budesliqanın qalibi olacağına inandıqlarından, mövsümün sonunda Rayfın rüsvayçı hərəkətini görməyə artıq indidən hazırlaşırlar.
Xatırladaq ki, "Leyptsiq" 19 turdan sonra turnir cədvəlində 2-ci yerdədir və lider "Bavariya"dan 4 xal geri qalır.
