Almaniyanın "Bayer" klubunun və Türkiyə milli komandasının futbolçusu Ömər Toprak mövsümün sonunda Dortmund "Borussiya"sına keçəcək.
Sportnet.az-ın "Borussiya"nın rəsmi saytına istinadən məlumatına görə, 27 yaşlı müdafiəçi ilə 2021-ci ilin yayınadək müqavilə bağlanılacaq. Onunla anlaşmanın təfərrüatları bilinmir. Lakin bir müddət əvvəl Toprak üçün "Bayer"lə müqaviləsindəki 12 milyon avro transfer haqqının ödənildiyi müəyyənləşib.
Qeyd edək ki, türkiyəli müdafiəçi "Bayer"də 2011-ci ildən forma geyinir. O, hazırkı klubunda 191 dəfə meydana çıxıb. Toprak ilk dəfə Türkiyə millisinə 30 sentyabr 2011-ci ildə Almaniya və Azərbaycan millilərinə qarşı AVRO-2012-nin seçmə qrup matçları ilə əlaqədar çağırılıb. Lakin debütü 15 noyabr 2011-ci ildə Xorvatiya ilə "pley-off" oyununda gerçəkləşib.
